𝐒𝐌 𝐅𝐎𝐔𝐍𝐃𝐀𝐓𝐈𝐎𝐍 𝐌𝐄𝐃𝐈𝐂𝐀𝐋 𝐌𝐈𝐒𝐒𝐈𝐎𝐍 𝐒𝐀 𝐁𝐀𝐍𝐖𝐀𝐀𝐍 𝐍𝐈𝐍 𝐓𝐈𝐍𝐀𝐌𝐁𝐀𝐂

𝑂𝑐𝑡𝑜𝑏𝑒𝑟 7, 2025 | 𝑇𝑖𝑛𝑎𝑚𝑏𝑎𝑐 𝑆𝑝𝑜𝑟𝑡’𝑠 𝐶𝑜𝑚𝑝𝑙𝑒𝑥

Bilang parte kan padagos na programa kan administrasyon ni Mayor Edward Albert “Bobit” P. Prades na nakasentro sa pagpaabot nin serbisyong medikal asin sosyal, matrayumpo na naisagibo kan Lokal na Gobyerno nin Tinambac (LGU-Tinambac) katuwang an SM Foundation Inc. an Libreng Medical Mission ngunyan na aldaw, Oktubre 7, 2025 (Martes), sa Tinambac Municipal Sports Complex.

An nasabing aktibidad nakapaghatod nin libreng serbisyo-medikal sa 836 na pasyenteng Tinambaqueño, na nagtao nin dakulang oportunidad sa mga kahimanwa na dae kaya magpa-check up o magpa-medical test sa mga pribadong pasilidad. Ini sarong paagi kan administrasyon ni Mayor Prades na maipaabot sa lambang Tinambaqueño an serbisyong tunay na may pagkamoot asin malasakit — serbisyong para sa tawo.

Naging parte kan LIBRENG SERBISYO an minasunod asin napagserbisyohan an minasunod: Medical – 664 patients, Dental – 172 patients, Xray- 110 patients, ECG – 54 patients , Glucose – 56 patients, Cholesterol – 37 patients, Uric – 53 patients, Hemoglobin – 18 patients

Total Patients Served: 836, Total Services Provided: 1164

Dakulang pasasalamat man an ipinapaabot kan LGU-Tinambac sa SM Foundation Inc. sa saindang inisyatibong mapalawig pa an akses nin publiko sa libreng serbisyo-medikal. Kaiba man an mga medical doctors, medical staff, Mayor’s Office Staff, RHU-1, BHws, Bagong Paglaom Staff, NCF Nursing Students, volunteers, MDRRMO, asin LGU personnel na nagtabang tanganing maging makahulugan asin successful an nasabing aktibidad. Salamat man sa suporta kan bilog na Sangguniang Bayan.

Sa paagi nin mga siring na programa, padagos an LGU-Tinambac sa paghatod nin mga proyektong may diretsong benepisyo sa mga Tinambaqueño — mga programang dai lang pormalidad kundi aktuwal na nakakatabang sa gabos.

Serbisyong Tinambaqueño, Serbisyong Totoo!