𝐒𝐔𝐏𝐎𝐑𝐓𝐀 𝐏𝐀𝐑𝐀 𝐒𝐀 𝐌𝐆𝐀 𝐏𝐀𝐑𝐀𝐎𝐌𝐀 𝐀𝐒𝐈𝐍 𝐏𝐀𝐑𝐀𝐓𝐀𝐍𝐎𝐌!

Nagbisita sa opisina kan satuyang padangat na Alkalde, Hon. Edward Albert “Bobit” P. Prades, si Maria Janice V. Obias, Regional Manager II, kaibahan si OIC-MENRO Johnray Cambaling, tanganing tukaron an Proposal for Life Insurance for Farmers sa paagi kan Philippine Crop Insurance Corporation (PCIC).

An nasabing programa igwang kamawotan na maproteheran asin mas mapakarhay an kamugtakan kan mga paraoma asin paratanom, lalo na sa harong nin mga natural na kalamidad, kawaran nin ani, asin iba pang risgo na posibleng makaapekto sa saindang kabuhayan.

Padagos an suporta kan Lokal na Gobyerno nin Tinambac sa pakikipagtabang sa mga ahensya kan nasyunal na gobyerno tanganing maseguro na an sakripisyo asin pagkamoot sa mga paraoma igwang karibay nin seguridad asin Bagong Paglaom.

Para sa Paraoma, Para sa Tinambac!