Ngunyan na aldaw, Agosto 11, 2025, nagkaigwang courtesy meeting an mga personahes kan Task Force Buwis sa banwaan nin Tinambac, kaibahan si Mayor Edward Albert “Bobit” P. Prades. Tanganing tukaron asin pag-ulayan an mga tamang lakdang asin proseso para mas mapadali an transaksiyon sa banwaan.

Siring kaini, masiguro an matinong pagmanihar kan pondo, magkaigwang matanos na paggobernar, asin makapagtao nin makalidad na serbisyo para sa gabos. An meeting nagpapagirumdom nin seryusong dedikasyon kan lokal na gobyerno para sa banwaan na warang korapsiyon asin progresibo.