๐๐๐จ-๐จ๐ฃ๐๐๐ง๐๐ฆ| 09.24.25
๐๐๐๐๐๐๐๐ ๐๐๐๐๐๐ ๐๐๐ ๐ค๐จ๐ง๐๐ฎ๐ฌ๐ข๐ซ ๐ง๐ข๐ง ๐๐๐๐ญ๐ข๐ง๐ ๐๐ข๐ฅ๐๐ง๐ ๐๐ซ๐๐ฉ๐๐ซ๐๐ฌ๐ฒ๐จ๐ง ๐ฌ๐ ๐๐๐ ๐ฒ๐จ๐ง๐ ๐๐ฉ๐จ๐ง๐ .
Sa pag-abot kan bagyong โOpongโ na posibleng makaapekto sa bilog na banwaan, nagkondusir an Municipal Disaster Risk Reduction and Management Council (MDRRMC) kan banwaan nin Tinambac nin meeting ngunyan na aldaw Septyembre 24, 2025, bilang preparasyon sa nasabing kalamidad. An pagtiripon pinanginotan ni Hon. Mayor Bobit Prades bilang MDRRMC Chairman, kun sain tinutukan an mas matibay na koordinasyon nin mga ahensya asin sektor para sa seguridad asin kahandaan kan banwaan.
Nagpresentar si OIC-MDRRMO Romil Estolano nin detalyadong update manungod sa forecast kan bagyo. Pinaliwanag niya an direksyon asin kusog kan bagyo. Kaiba kaini, nagtao man siya nin mga pagirumdom na dapat sunudon kan mga kahimanwa niyato tanganing magin ligtas sa oras na kumusog an epekto kan bagyo.
Presenti sa nasabing meeting an mga Sangguniang Bayan (SB) Members, Department Heads, Public Schools District Supervisor (PSDS), mga representante hali sa PNP, BFP, Philippine Army, Civil Society Organizations (CSOs), asin iba pang mga sektor kan lokal na gobyerno. An aktibong partisipasyon kan mga ini nagpapahiling nin pagkakasararo asin kooperasyon bilang tugon sa mga hamon nin kalamidad.
An LGU-Tinambac sa pamamayo ni Mayor Prades, pigtataanan duon asin importansya an pakikisumaro kan kada sektor, mga kahimanwa, pamilya asin residentes sa mga preparasyon kun igwang siring na kalamidad. An seguridad kan satuyang sadiri, pamilya, asin banwaan dai sana nakasalalay sa LGU kundi sa pagtatarabangan nin gabos. Magin alerto, preparado, asin alisto kita sa gabos na panahon. An pagtatarabangan kan kada pamilya asin pagsunod sa mga advisories iyo an maprotehir asin ligtas sa buhay kan lambang saro.
An MDRRMC meeting nagresulta sa mas malinaw na mga direktiba asin plano kun sain gabos na ahensya asin stakeholders igwang papel sa pagpugol kan risgo asin epekto kan bagyo. Padagos na ipinapahiling kan Lokal na Gobyerno nin Tinambac, sa liderato ni Mayor Bobit Prades, an dedikasyon para sa kapakanan asin seguridad kan gabos na Tinambacqueรฑo!
